குழந்தைகளுக்கு மிகவும் சத்தான கேரட் பால். இதில் வைட்டமின் ஏ நிறைந்துள்ளது. இன்று இந்த ரெசிபியை செய்வது எப்படி என்று பார்க்கலாம்.

கேரட் பால்தேவையான பொருட்கள் :

பால் – 1 லிட்டர்,
நாட்டு சர்க்கரை – 125 கிராம்,
ஏலக்காய் – 5 எண்ணம்,
கேரட் – 150 கிராம்

செய்முறை

கேரட்டை நன்றாக கழுவிய பின்னர் துருவி மிக்சியில் போட்டு சாறு எடுத்து கொள்ளவும்.

அடி கனமான பாத்திரத்தில் பாலை ஊற்றி கொதிக்க விடவும்.

பால் கொதித்தவுடன் பாலில் கரண்டியால் கலக்கி கொண்டே கேரட் சாற்றை ஊற்ற வேண்டும்.

கேரட்டானது நறுமண பாலுக்கு அற்புதமான நிறத்தை கொடுப்பதுடன் வைட்டமின் ஏ சத்தையும் அளிக்கின்றது.

வாசனை மற்றும் சுவைக்காக ஏலக்காய் மற்றும் நாட்டு சர்க்கரை சேர்த்து பாலை பொங்கும் வரை காய்ச்ச வேண்டும்.

பின்பு பாலை ஆற வைத்து சுத்தமாக வடிகட்டி குளிர்சாதன பெட்டியில் வைத்து குளிர்ச்சியாவும் குடிக்கவும், சூடாகவும் குடிக்கலாம்.